Psalm 101 BHS 1לדוד מזמור חסד־ומשפט אשירה לך יהוה אזמרה׃ 2אשכילה בדרך תמים מתי תבוא אלי אתהלך בתם־לבבי בקרב ביתי׃ 3לא־אשית לנגד עיני דבר־בליעל עשה־סטים שנאתי לא ידבק בי׃ 4לבב עקש יסור ממני רע לא אדע׃ 5[כ מלושני] [ק מלשני] בסתר רעהו אותו אצמית גבה־עינים ורחב לבב אתו לא אוכל׃ 6עיני בנאמני־ארץ לשבת עמדי הלך בדרך תמים הוא ישרתני׃ 7לא־ישב בקרב ביתי עשה רמיה דבר שקרים לא־יכון לנגד עיני׃ 8לבקרים אצמית כל־רשעי־ארץ להכרית מעיר־יהוה כל־פעלי און׃ Hebrew OT: BHS (Consonants Only) The text has been made available for scholarly, non-commercial applications. Please see the complete user declaration. For comparative study, where possible, chapter and verse numbers on Bible Hub sites are mapped to the traditional convention used by the KJV, NASB, NIV and others. Bible Hub |
    |